Thomas Madigage

Thomas Madigage (11 Pudungwane 1970 - 19 Mphalane 2012) e ne e le sebapadi sa bolo ya maoto sa Afrika Borwa le mokwetlisi.

Mosebetsi wa sehlopha

Madigage o hlahetse Pretoria, mme o qalile mosebetsi wa hae wa ho bapalla Arcadia Shepherds moo a ileng a bapala haufi le Paul Matthews, mora wa Roy Matthews, mothusi wa Jomo Cosmos. Kamora ho kgahla Matthews, o ile a bonwa ke Jomo Sono ya ileng a tlisa sebapadi sena sehlopheng sa hae, a mo hodisa jwalo ka mora wahae.

O ile a qala ho bapalla Jomo Cosmos a le dilemo tse 16, ba hapa National Soccer League ka 1987 selemong sa hae sa pele sehlopheng. Ka 1990, o ile a ba le teko ho Rangers, le sebapadi-mmoho le yena sa Cosmos Augustine Makalakalane, empa konterata ha ya ka ya saenwa. Ho ena le hoo, ka bobedi ba ile ba kena sehlopheng sa Switzerland sa FC Zurich.

Zürich, Madigage o ile a utlwa bohloko ha ane a tswa dikotsi tsa lengole mme oile a bapala papadi e le nngwe ya sehla ka 5-1 ho FC Luzern, o ile a hlaba ntlha se le seng sa sehlopha. Ka mora hore a hlolehe ho hlaha dipapading tse ding, o ile a kgutlela Jomo Cosmos ka 1992.

Ha mamorao o ile a ikopanya le Pretoria City (eo hamorao e ileng elya rehwa SuperSport United), ba hapa karolo ya 2 mme a fihlela Bob Save Super Bowl ka 1995, pele a tlohela mosebetsi ka 2003.

Mosebetsi wa matjhaba

Madigage o ile a fumana dikgau tse nne bakeng sa Sehlopha sa naha sa Afrika Borwa .

Ho tlohela mosebetsi

Kamora ho tlohela mosebetsi e le sebapadi, Madigage o sebeditse e le mothusi wa mokwetlisi wa SuperSport United ho tloha ka 2004 ho isa ho 2012 mme hamorao le sehlopha sa naha sa Afrika Borwa.

Bophelo le lefu

Madigage o ile a hlokahala kotsing ya koloi ka Labohlano la di 19 Mphalane 2012, ka mora hore a thule esele e ne tshela tsela haufi le Burgersfort, Limpopo. O ne a le dilemo di 41 ka nako eo.