Siphosakhe Ntiya-Ntiya

Siphosakhe Ntiya-Ntiya o hlahile ka la 6 Mphalane 1996) ke sebapadi sa bolo ya maoto sa Afrika Borwa se bapetseng lekgetlo la ho qetela bakeng sa Sehlopha sa Afrika Borwa sa Premier Division se bitswang Sekhukhune United, e le sebapadi se sireletsang sa morao hlakoreng le letshehadi O ile a ikopanya le sehlopha sa ntshetsopele sa Kaizer Chiefs ka 2016 mme a qala ho bapala sehlopheng ka Pherekhong 2018.

Mosebetsi

Mosebetsi wa pele

O hlahetse motseng wa Bizana Eastern Cape, Afrika Borwa, empa o ile a fallela Durban dilemong tsa 2000 mme a bapala bolo ya maoto ya bacha le sehlopha sa lehae sa Barsenal. O ile a fumanwa ke SuperSport United ka 2013 mme a fallela Pretoria pele a ikopanya le Kaizer Chiefs ka 2016.

Kaizer Chiefs

O ile a phahamisetswa sehlopheng sa pele sa Kaizer Chiefs ka Pherekgong 2018. O ile a qala ho bapala sehlopheng ka la 6 Pherekhong 2018, moo sehlopha se ileng sa bapala ka 0-0 le SuperSport United. Karobong ya ho qala Hwa hae, mokoetlisi Steve Komphela o itse "Ke nahana hore o entse hantle o bapetse ka moya o fatshe ha atshwara bolo mme a sebedisa bohlale haholo. O ne a nka qeto tse betere maemong afe kapa afe". O ile a bapala dipapadi tse pedi tsa sehla ka kakaretso bakeng sa Kaizer Chiefs nakong ea hae ya qalo ya bolo ya maoto.

Sehleng sa 2018-2019 Ntiya-Ntiya o ile a bapala kgafetsa bakeng sa Chiefs kaha o ile a hlaha dipapading tse leshome le metso e robong tsa sehla. Ka mora ho qalo ya dipapadi tsa bona tsa pele tse nne tsa sehla dipapading tsohle, Ntiya-Ntiya o itse "Ke boikutlo bo botle. Sehlopha sa mahlale le ho dipapadi kaofela di nthusitse ho ikutlwa ke amohelehile".

Ka Phato 2019, o sainile konteraka ya dilemo tse tharo, moo sehlopha seileng sa mo boloka ho fihlela lehlabula la 2023. Qalong yahae ya ho bapala eneleka la 10 Phato 2019 moo baileng ba hlola ka 1-0 kgahlanong le Black Leopards, ene ele papadi ya bona ya bobeli ya sehla. Ka Phato 2019, Ntiya-Ntiya o ile a bolela takatso ya hae ho Kaizer Chiefs, a re "Ke nahana hore ke Kaizer Chefs feela e tla hapa mohope wa sehla. Boikemisetso ke ho hapa mohope wa sehla". O ile a bapala dipapadi tse 16 sehlopheng tsa sehleng sa 2019-2020, ha Chiefs e qetile e le boemong ba bobedi ho South African Premier Division, e lahlehetswe ke monyetla ka letsatsi la ho qetela.

O ile a lokollwa ke Sekhukhune United lehlabuleng la 2024.

Tsa Bophelo ba motho

O ithutetse Tsamaiso ya Khwebo ho Boston City Campus le Business College.

Mokhwa wa ho bapala

Ntiya-Ntiya o bapala e le mokokotlo wa ka letsohong le letshehadi.