Basetsana Khumalo

Basetsana Julia "Bassie" Khumalo (née Makgalemele; a tswalwa ka la 29 Hlakubele 1974) ke motho wa thelevishene wa Afrika Borwa, mohlokomedi wa tlhodisano ya botle, mosadi ea kgwebo le mofani wa diphallelo. Mosebetsi wa hae o qalile ka 1990 ha a rweswa moqhaka wa Miss Soweto le Miss Black South Africa a le dilemo di 16. O ile a rweswa moqhaka wa mabotle wa Afrika Borwa ka 1994 mme ka selemo sona seo o ile a tswa boemong ba bobedi ho Miss World.

Early life and education

Yena le bana ba bo ba bararo ba ule ba qala dilemo tsa bona tsa pele ba thusa ho boloka lelapa le phela,ba etsa di samentjhese tse rekiswang dipapading tsa bolo ya maoto mafelong a beke. O ile a kena Thabisang Primary School e Orlando West. Ha Soweto e ne e aparetswe ke merusu elya baithuti ka 1986 o ile a romelwa Sekolong sa Trinity Secondary School moo a ileng a qeta matric wa hae. O ile a ngodiswa bakeng sa thuto e phahameng Univesithi ya Venda, mme a ikhetha ka Thuto.

Personal life

Pele le nakong ya puso ya hae e le Mofumahadi wa Afrika Borwa, Khumalo o ile a ratana le motho ya otlang ditebele Dingaan Thobela.

O ile a kopana le monna wa hae Romeo Khumalo, mookamedi wa Vodacom le moqolotsi wa ditaba wa mehleng, ha a na rwetse kgau ya hae ya Miss Soweto. Ba ile ba qala ho ratana ka 1997 mme ba nyalana ka 2000. Ka 2004 Khumalo o ile a beleha ngwana wa bona wa pele, moshanyana ya bitswang Nkosinathi Gabriel. Mora wa hae wa bobedi, uShaka Kgositsile Emmanuel, o hlahile ka 2012.

Khumalo le monna wa hae Romeo ba thehile Setsi sa Lelapa la Romeo & Basetsana Khumalo, se tla hlahisa bana, haholo-holo ba nang le lefu la AIDS le mafu a mang a amanang le ona. Ka 2009 motheo o ile wa fuwa Moputso wa Inyathelo Philanthropy Merit. Khumalo o ile a ikopanya le sebapali sa difilimi Salma Hayek molemong olwa ho fedisa lefu la tetanus la masea le la bo-'mè lefatšeng, e le 'muelli wa Letlole la Bana la Machaba a Kopaneng le lets'olo la Pamper la ho pholosa masea a fetang dimilione tse 250 ka 2012.